Transkipsi Rakaman Audio

SUASANA HARI RAYA DI TEMPAT RESPONDEN

Erm.. tampek awak meriah. Sabalun nak Hari Rayo, patang tu dah siap masak randang dah. Pagi-pagi sabalun sembahyang Suboh dah bangun. Panehkan sumo laok tu aa.. tu, masaklah nasi, kuah lontong, nasi impik. Aa.. pagi-pagi sanang la, sabalun nak pai sembahyang rayo. Erm.. orang Minang ko, kalau takdo randang tak sah. Lamang, nasi impik, ketupek, kuah lontong, kuah kacang. A..buweklah samba tumih sikik, barulah sadap makan. Kadang-kadang tengok mood lah, kadang-kadang nak sedondon, kadang-kadang tak nak. A.. selalu e, tiap-tiap taon sedondon je lah, kalau laki wano.. wano kosong, anak-anak sumolah bungo-bungo. Takdo lah, kosong jo. Macam boria je nanti. Erm, sekarang barang dah maha, belanjo sekarang dah seribu sekarang dah seribu setengah, adolah tu. Aa.. temasok aa.. duwik blanjo, duwik kuweh, duwik tampah baju. Aa.. ala tak payah la bali banyak-banyak baju, seribu setengah cukuiklah tu.

CARA RESPONDEN MEMINTA TOLONG DARI PASANGANNYA

Emm.. itu kalau agak-agak dah cukuik bulan, seminggu lagi nak.. nak.. bali, pai ke.. bali barang dapo, cakaplah dengan laki. Emm.. “ari ko, ohh bah, ari Sabtu, Ahad kalau takdo kajo pai Econsavelah bali barang dapo indak pai Tesco ke”. Kalau kate e.. yelah, pailah. Iyolah pai je lah. Iyolah pai je lah.

CARA RESPONDEN MENEGUR KESALAHAN YANG DILAKUKAN OLEH ANAKNYA.

Aaa.. itu kalau sekali duwo kalau cakap “dek jangan buat dek”. Duwo tigo kali kalau buwek, aa.. naik angin. Aa.. mulolah rotan je lai. Kalau sekali duwo tak danga, bagi je la lagi.

CARA RESPONDEN BERKOMUNIKASI DENGAN MAJIKANNYA

Aa.. “ Bos, ini surat cuti tahunan saya. Mohon cutilah Bos sebab adik saya nak kahwin. Mohon Bos luluskan lah ye.”

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s